ZINDAGI

Kabhi ghulam hai zindagi

Kabhi badnaam hai zindagi
Katputli hai tere man ki ye toh
Badi nadaan hai zindagi

Kabhi ojhal hai aansuon ke tale
Kabhi kuchh sapne ye bunte chale
Kabhi registaan to kabhi hai nadi
Dil ka aina hai zindagi

Isse tujhey pyar hai kabhi
Kabhi tu hai kaatil iska
Hokar teri kabhi, sirf teri nahi
Sune ye dil ki, aur dil kisi aur ka

Kabhi bekaar hai zindagi
Kabhi lachaar zindagi
Kabhi hai ek ugta suraj
Kabhi ek laash hai zindagi

Hai ek paheli ye toh
Jiski suljhan me bas uljhan hai
Jis pal ho man me bas pyar ki ladi
Wo chhota sa pal hai zindagi

TERI MUSKAAN

Teri chuppi se baatein karna acha lagta hai
Tere dard ko peena acha lagta hai
Teri palko pe padti har boond ke liye
Thoda sa marna acha lagta hai

Wo baatein milkar ho nahi paati
Jo duriyan dil se karvati hain
Bichhadne ka dar to hame bhi hai
Par us dar me jeena acha lagta hai

Sab kuch kho kar ek junoon hai man me
Ke kho dun khud ko teri khushiyo ke liye
Tu meri ho ya kisi aur ki
Teri muskaan ki wajah hona acha lagta hai