Bade dino baad jo dhadkan suni
To thoda ghabra gaye
Kya qayamat agayi lene hame
Fir jana ke dil ko tum yaad agaye
Bade dino baad khaali baithna
Khaali sa nahi hai
Jo thi zindagi chand saanso me kat rahi
Uski ab aarzoo bhi nahi hai
Yun milna tumse sadiyo mein ek baar
Bas chand muskaano mein bichhad jaane ko
Jaise registaan mein badal zamaano ke baad
Aaye bas do boondein barsaane ko
Bade dino baad shayari ka shaukh aya hai
Zarre zarre mein hain jazbat bhare
Shabdon se humne dhoka khaya hai
Hai kehna toh bohot kuchh humein
Zara thehro, abhi abhi dil pe malham lagaya hai
Bade dino baad jo hogi mulaakaat
Sunenge firse dhadkan dil ki
Mat ghabrana jo ajaye qayamat
Chhipa kar tumko, kar denge jaan haazir khud ki
